Në vitin 2008 shkolla “Faik Konica” mori emrin e një prej personaliteteve më të spikatura të atdhetarizmit, kulturës dhe diplomacisë shqiptare. Kjo ishte dhe mbetet një përgjegjësi e madhe, e cila kërkon hyrjen me dinjitet në elitën e shkollave shqiptare, por jo vetëm. Pas vitit të dytë dhe suksesit të gjimnazit, “Faik Konica” hapi dyert e tre godinave të tjera. Sot, prindërit e fëmijëve nga kopshti deri në gjimnaz ua besojnë rrugëtimin e arsimit të tyre shkollës sonë.
Bazuar në rezultatet e maturës shtetërore, renditemi ndër liderët e rezultateve të larta. Në shkollat tona nxënësi vlerësohet çdo javë në të gjitha lëndët, nëpërmjet një sistemi që është aplikuar për herë të parë në Shqipëri. Për ne mbetet primare formimi shkencor e qytetar i nxënësëve të të ardhmes më të mirë.
Sëbashku synojmë vendin e parë.
Përkushtim, Integritet, Disiplinë, Unitet.
Bashkëpunimi prindër-mësues-nxënës.
Godinat e shkollave “Faik Konica” gjenden në qendër të Tiranës. Shkollat tona janë të pajisura me të gjithë laboratoret e nevojshme, duke filluar nga gjuhët e huaja, informatika dhe lëndët shkencore si kimia, fizika etj. Të gjitha klasat dhe laboratorët janë të pajisur me tabela smart për një mësimdhënie të avancuar dhe teknologjike.
Maturantët që dalin nga dyert e shkollës “Faik Konica” ndjekin me sukses studimet e larta në degët e dëshiruara brenda dhe jashtë vendit. Arritjet e tyre janë motivi i punës tonë.
