Regjistrimet për vitin e ri shkollor fillojnë që në përfundimin e vitit paraardhës akademik. Për çdo vit përkatës, ne nxjerrim lajmërimin e fillimit të regjistrimeve në faqen tonë web, facebook dhe instagram. Regjistrimet tona qëndrojnë të hapura për sa kohë kapacitetet e klasave nuk janë të plotësuara. Për më shumë informacion në lidhje me regjistrimet dhe aplikimet, mund të na shkruani ose na vizitoni.

Orari i mësimit bazë në shkollën “Faik Konica” përfundon në orën 13:30. Studimi zhvillohet pas këtij orari mësimor, dhe nxënësit përfundojnë orarin e studimit në orën 15:30. Gjatë studimit fëmijët mbarojnë detyrat e shtëpisë dhe mbikëqyren nga mësuesi përkatës për ndihmë. 

Tarifat e shkollës “Faik Konica” përbëhen nga paketa të ndryshme. Për secilin cikël studimi, mund të gjeni më shumë informacion në tabelën e mëposhtme.

Projekti Gjerman fillon që nga klasa e V, ku shtohen orët e gjuhës gjermane për dy klasa me zgjedhje. Në gjimnazin e Projektit Gjerman, nxënësit kanë program me kurrikula dhe libra gjermanë, me 4 mësues gjermanë të lëndëve përkatëse: Gjuhë gjermane, Matematikë, Histori, Gjeografi, Ekonomi, Teknologji dhe Histori Arti. Ky projekt synon aftësimin e nxënësve që duan të vazhdojnë studimet e larta në vende gjermanishtfolëse si Austria, Zvicra, Gjermania etj. Për më shumë informacion rreth Projektit Gjerman, klikoni këtu.

Në shkollat “Faik Konica”, gjuha Gjermane nis që në ciklin parashkollor dhe vazhdon në klasat. I-IV për 1 orë në javë, por është e pavlerësueshme.
Gjuha Angleze nis me 2 orë në javë në ciklin parashkollor dhe klasat I-II, për momentin gjithashtu pa vlerësim.
Nga klasat e II-IV, gjuha Angleze zhvillohet për 4 orë në javë.

Në ciklin parauniversitar, zhvillohet gjithashtu gjuha e huaj me zgjedhje, ndër të cilat ofrohet Italishtja, Frengjishtja etj. sipas kërkesave.